გამარჯობა ბლოგის დამთვალიერებელო! მინდა გითხრა,რომ გადავწყვიტე ბლოგი გამეკეთებინა ისეთ თემაზე,რომელიც საკმაოდ აქტუალური და პრობლემატურია ჩვენს დროში და ამიტომ,საკვლევ ობიექტად ავირჩიე "თამბაქო", რომელსაც სავსებით დამსახურებულად მიესადაგება საზოგადოების უმრავლესობის მიერ შერქმეული ეპითეტი–"სერიული მკვლელი". თამბაქოსაგან დამზადებული მზა პროდუქტი,რომელსაც ჩვენ სიგარეტის სახელით ვიცნობთ,XXI საუკუნის ნამდვილ სენად იქცა. საკვირველია,მაგრამ მცენარე,რომელსაც სულ რამდენიმე საუკუნის წინ სამკურნალო თვისებებს მიაწერდნენ,ყოველდღიურად უამრავი ადამიანის სიცოცხლეს იწირავს... ჩემი მიზანი მოცემული ბლოგის შექმნისა არის ის,რომ ადამიანებს მოვუწოდო,ნუ გახდებიან თამბაქოს მომხმარებლები(მწეველები) და ნუ ჩადგებიან ე.წ. "სიკვდილის" რიგში,რადგან მოწევა ნამდვილად კლავს! ხოლო იმათ,ვისაც ეს "სენი" უკვე შეეყარა,მინდა რამდენიმე მოკრძალებულ რჩევასთან ერთად მოწევისათვის თავის დანებება ვუსურვო!